الأحد، 30 مايو 2010

عاجل إسرائيل تهاجم أسطول الحرية


قد شن سلاح البحرية الإسرائيلية مدعوما بالطائرت هجوما على نشطاء أسطول الحرية في عرض المياه الدولية على بعد عشرين ميلا بحريا عن قطاع غزة، مما أسفر عن استشهاد 16 متضامنا وإصابة آخرين بجروح بينهم الشيخ رائد صلاح رئيس الحركة الإسلامية داخل الخط الأخضر.


بيان من علماء الامه حول مجزرة قافلة الحريه

الاثنين، 28 ديسمبر 2009

الامن و الجدار

السلام عليكم
دائما يحاول النظام لعب دور بابا نويل او رجل الهدايا لكى تهدينا مصيبه هديه تلو الاخرى ولكن يبدو انها قرر ان تذيد نطاق كرمها لتلقى جدار فولاذى هديه لأهل غزة لتصبح غزه حبسة قفص محكم 0
ومن لا يعرف الجدار وان كنت اشك فى هذا فهو عباره عن جدار من الحديد الفولاذ من المفترض ان يكون على عمق 30 متر تحت الارض لتمنع الانفاق وليس هذا فقط من المفترض ان توجد انبوب ضخم يمتد الى الجدار لتضخ مياهه المالحه لهدم الانفاق وهو وهذا بدوره يصل للمياه الجوفيه فى اراضى غزه لتصبح مياه مالحه غير قابله للاستخدام ولا فى الزراعه و م ثم تصبح ارض غزه بدون نبات ولا اشجار وتصبح ارض ميته 0.
كل هذا لكى ينفذ النظام الاوامر الصهيوامريكه تحت ادعاء حماية الامن القومىالمصرى ولكن حميايتها ممن من المسلمين !!!!!!!!
للاسف اصبح النظام لايعرف من عدوه من حليفه وان امن مصر هى امن غزه وليس العكس 0
لقد اصبح اهل غزه كمثل ناس محبوسين داخل غرفه مغلقه من كل الجوانب ثم صنعوا عدة ثقوب ليتمكنوا من التنفس ثم اتى شخص فى حجره مجاوره وسد كل الثقوب وايضا ضاعف من سمك الجدار ليصبح ثقبه مستحيل تحت ادعاء حماية غرفته فما الذى ينتظره هذا الشخص غير هلاك الناس داخل الحجره 0
وبعد كل هذا تقول الحكومه انها مع المقاومه لكن اية مقاومه المشروعه ؟!!!
بالطبع مقاومة الشعب الاسرائيلى الباسل ضد عصابة حماس و العصابات الارهابية الاخرى!!!!!

الخميس، 3 ديسمبر 2009

امتحان طالب




السلام عليكم ورحمة الله وبركاته


طبعا من المعروف ان اللى بيضع الامتحان هو الاستاذ والطالب يجاوب لكن فى الموضوع ده انا الاستاذ وهضع امتحان والكل هيجاوب عليه

الامتحان مش هيكون فى التاريخ او فى العربى او الرياضيات ولا فى الخ.............

الامتحان هيكون فى ماده بيدرسها من الاطفال الى الشيوخ والرجال والنساء لانها ببساطه مادة الحياه حياتنا كمصريين

ونبتدى الامتحان


السؤال الاول تخير الاجابه الصحيحه مما بين القوسين :-

1- من هو مؤسس الدوله المصريه الحديثه (محمد حسنى باشا-الخديوى مبارك -الملك مبارك الاول)

2-من الانسب لتولى الرئاسه بعد مبارك (جمال مبارك-جمال مبارك-جمال مبارك)

(طبعا الاجابات وضحه هه )

السؤال الثانى

بين دور كل من (احمد عز بتاع الحديد مش الممثل وابو العنين وبقية الاخوة المحتكريين ) فى

انعاش اقتصاد البلد )

(مش عاوز اى كلام خارج او كلام من بتوع المعارضه )


السؤال الثالث

اكتب فيما لايقل عن 80 سطر عن دور مبارك فى القضيه الفلسطينيه ودوره الاهم فى المساعده فى حصار قصدى فى فك حصار غزه

(اللى هيتكلم كلمه غلط كده ولا كده صفر على طول وامن دوله كمان فاهمين)


نهاية الامتحان


هو ده نموذج من الامتحاينات اللى بنشوفها كل يوم ولازم نجاوب الاجابه اللى هما عاوزنها (هما مين )

واخر حاجه عاوز اقولها لنفسى ولكم اننا نشوف احنا بنجاوب ازاى طريقتنا ولا بطريقتهم والاهم احنا بنعلن اجابتنا وبنعمل بيه ولا لاننا عمر محاجه تتغير طول ما اجابتنا جوانا بس او نعلنه بس الاهم العمل بيه


مع امنياتى بالفشل الذريع فى الامتحان ده



الخميس، 19 نوفمبر 2009

تحيا الوحده العربيه !!!!!

شفتو الوحده العربيه والاخوه
شفتو خنقات الاخوه مع بعض ازاى علشان مباراة تفهه يحصل اللى حصل (قال يعنى لو مصر اتصعدت ولا الجزائر كانت مصر ولا الجزائر هتنيل حاجه )
اصلنا نيجى فى التفهه ونتصدر واصبحت العلاقه بين بلدين متعلقه على بتاعه مدوره بتتشاط الرجلين *
اخر حاجه سمعتها هى استدعاء سفير الجزائر فى القاهره احتجاج على سلوك مشجعى الجزائريين واستدعاء سفير مصر فى الجزائر
وكمان مطالبة بعض الصحفيين بطرد السفير الجزائرى
يعنى العلاقات الدبلوماسيه بيين بلدين بقت علاقات ملوخيه علشان برضه بتاعه مدوره بتتشاط بالرجلين *
انا مش ضد ده لكن اللى عمرها محصلت مع سفير اسرائيل فى اعتداءات غزه والمسجد الاقصى (طبعا الاسباب معروفه )
بس لامتى هنفضل عكسين الموضوع نحب العدو ونكره الحبيب ؟
ليه مبنفكرش على كرامة المصرى الا الوقتى وننساها بعدين او ننساها خالص ليه نسينا كرامة الصري اللى بيموت على الحدود
الاسرائيليه او اللى بيعتقل فى السجون الامريكيه او الاوربيه ظلم ونسكت؟؟؟ (وطعبا الاسباب معروفه برضه!!)
يعنى اللى عايز اقوله من الاخر اننا عمرنا محالنا يتصلح طول مبنكيل الامور بمكيالين مكيال الكرامه و الحريه الخ ومكيال الذل والقيود والخخخ (وطبعا برضه عارفيين مع مين نستخدم ده ومع مين نستخدم التانى)


ـــــــــــــــــــــــــــــــــــــــــــــــــــــــــــــــــــــــــــــــــ
*اللى يعرف ايه هيه البتاعه المدوره اللى بتتشاط بالرجلين يتصل على رقم 090099999999991 والجائزه علقه محترمه مقدمه من اخواننا الجزائريين

السبت، 12 سبتمبر 2009

الأربعاء، 5 نوفمبر 2008

اوباما نجح يا جدعان

اوباما نجح ياجدعان اوباما نجح ياجدعان

بس فيه شوية اسئله فى دماغى مثلا:-

بعد نجاح الحج اوباما هل فى حاجه هتتغير ؟

هل ممكن اوباما يغير نظرة العالم كله والعرب لامريكا اللى اصبحة مشوهه ؟

هل هيقدر اوباما تغير الفكر الاستعمارى للولايات المتحده؟

هل هيكون فيه جديد فى العلاقه الامريكيه العربيه؟

هل هتتغير العلاقه بين الولايات المتحده واسرائيل؟

والاهم هلى هيكون فيه اى تحسن فى القضايا العربيه خاصة القضيه الفلسطينيه والعراقيه؟

وهل هتخرج القوات الامريكيه من العراق فعلا؟

وقضية الارهاب اللى طلعلينا فيها الحج بوش مصيرها ايه
يعنى اوباما هيكون موقفه ايه مثلا من ايران وسوريا وغيرهم ؟

و الحاشيه الفاسده للريس حبيب الملاين بوش على راسهم الفاتنه الموناليزه قصدى كونداليزا
مصيرهم ايه ؟

كل الاسئله دى دارت فى دماغى ساعت ماسمعت خبر فوز الحج اوبااااااماااااااا

تحيــــــــــــــــــــــــــــــــــــــــــــــــــــــــــــاتــــــــــــــــــى

الخميس، 9 أكتوبر 2008

تاج ودقيقه

انا جالى تاج من حسن حنفى http://shevvaa.blogspot.com/
السؤال الاول:من انت؟
انا احمد اشرف
تانى سؤال: بطاقتى الشخصية
الاسم :احمد طاهر اشرف عبد الهادى الدسوقى(ملحوظه انا اسمى احمد طاهر اسم مركب)
تاريخ الميلاد :1\7\1992
البلد:المنصوره
الديانه : مسلم
تالت سؤال : ماهى احلامك؟
مممممم
نفسى ارضى ربى لانى حاسس انى مقصر جامد
نفسى ارضى اللى حوليه
ابقى ناجح فى كل نواحى حياتى
رابع سؤال: من اقرب شخص ليك؟
اقرب شخص عندى هى امى
تهدي التاج ده لمين ؟؟
الدعوه عاااااااااااااااااااامه
................................................................
كلنا شفنا حال البلد وكل واحد مهموم من اللى بيحصل فى البلد علشان كده انا فكرة فى دقيقه نضحك وننسى فيها همومنا
واليكم موجز النباء
مع تداعيات حريق مجلس الشورى والمسرح القومى اعلن المتحدث الرسمى لوزارة الملوخيه عن المتسبب فى هذه العمال التخريبيه وهو المدعو(ماس كهربائى)الشهير (بماس بن لادن)وهذا بعد نشر شريط فيديو للارهابى (ماس بن لادن)يعلن فيه مسؤليته عن حريق مجلس الشورى والمسرح القومى وشقة الست عنيات جارة الست فتكات بنت خالة الست شربات وهدد كل من تسول له نفسه التفكير القبض عليه باحراق منزله ولذك تعيش الاهالى فى حالة ذعر من الاعمال الرهابية ولذلك تهيب شرطة الكهرباء المواطنين بالدلاء عن اى معلومات تفيد للامساك (بماس بن لادن)ولقد اقرت الحكومه جائزه لمن يحضر المجرم (ماس بن لادن )حيا او مكهربا والجائزه قدرها 2000 فولت
والى هنا تنتهى موجز الانباء هاااااااه حرييييقااااااااااااااااااااااااااااا امسكو الواد ماس قبل مايهرب والحقوووووووونااااااااا
نياهاهاهاها انا ماس بن لادن مش هسيب البلد فى حالها نياهاهاهاهاها طششششششششششششششششششش
ناسف لانقطاع الارسال